Thursday, September 4, 2008

"Ариухан Патаяа" /Тайланд 2007он/





“АРИУХАН ПАТАЯА”
Адислалт Патаяагийн тэнгэр доор
Манан будан хөшиглөнө
Чин Хай бурханы өлмий доор
Лянхуа цэцэг дэлгэрнэ
Зуу зуун бурхадаар цацал өргүүлсэн Патаяа
Патаяа Патаяа Патаяа, аяа ариухан Патаяа
Гандирсан далайн түрлэг дээр
Маргад эрдэнэ гэрэлтэнэ
Тэнсэлгүй бурханы тэргүүн дээр
Энгүй номлол эргэлдэнэ
Мянга мянган гэгээнтнээр тахил өргүүлсэн Патаяа
Патаяа Патаяа Патаяа, ээ эрднэнхэн Патаяа
Алтарсан элсний ширхэг дээр
Цацарсан нар сондорлоно
Амирлангуй бурханы өвөр дээр
Адисласан хүүхдүүд нь эрхлэнэ
Түм түмэн бурхадаар тавиг залуулсан Патаяа
Патаяа Патаяа Патаяа, зээ зэндмэнхэн Патаяа
Цайвалзан цавцайх харшууд дээр
Гэрлэн урсгал солонгороно
Цаглашгүй бурханы мэлмий доор
Ханашгүй авъяас цалиглана
Бум буман бурхадаар хатир халгиулсан Патаяа
Патаяа Патаяа Патаяа, аяа харшин Патаяа
Тив дэлхийн бурхад
Тэврэлдэнхэн золгоно
Тэнцэшгүй номтой Багш минь
Энэрэнхэн угтана
Зорьж очсон бурхадаар цэцэг дэлгэрүүлсэн Патаяа
Патаяа Патаяа Патаяа, зээ цэцэг дэлгэрүүлсэн Патаяа
Дорнын алдарт Патаяа
Бороогоо зогсоож чимээрхэнэ
Долоон өнгийн солонгоор
Жимс нь тоглож мөнжирлөнө
Алаглаж хоршсон жимсээр амтархуулж дайлсан Патаяа
Патаяа Патаяа Патаяа, зээ жимсээр цалгилсан Патаяа
Патаяагийн идээ ундаа
Булаг адил ориглоно
Бурхан Чин Хайн энерги
Далай мэт давалгаална
Давалгаалсан энергийн давтамжаар дагтаршисан нисванис угаагдсан Патаяа
Патаяа Патаяа Патаяа, угааж ариутгасан Патаяа
Бясалгалын ариун өргөөнүүд нь
Сэрүүцүүлэн таалж угтана
Багшийн минь ариун номлол
Ухааруулан цэлмуулж адислана
Ухааруулж цэлмүүлсэн адислалаар ундрагыг олуулсан Патаяа
Патаяа Патаяа Патаяа, Бурхан чанартай нэгтгэсэн Патаяа
Залбирлын мөнгөн утас
Бурханы оронд сэнтийтэй
Ханьцашгүй бурханы аврал
Билгийн мэлмийд шингээстэй
Аврал шингээсэн мэлмийгээр ертөнцөд аялуулсан Патаяа
Патаяа Патаяа Патаяа, орчлонгийн чанадад аялуулсан Патаяа
Амбасадор, Жигүүр, Далай буудлууд нь
Агаар өөд цоройлон уралдана
Арван хэлийн ах эгч нар
Аръяабалын бясалгалд умбана
Нам сэлүүхэн умбалтаар эрхэс гаригийг ойртуулсан Патаяа
Патаяа Патаяа Патаяа, номын ах эгч нарыг жигдрүүлэн дэвшүүлсэн Патаяа
Элбэрэлт Багшийнхаа буянаар даяан үйлдсэн Патаяа
Ирэх мянганы түүхэнд энхийг дархалсан Патаяа
Эзэн бурхан Чин Хайн номлолоо айлдсан Патаяа
Монгол түмний түүхэнд алтаар сийлэгдэх Патаяа
Бурхны заяа түшсэн Патаяа
Эртний заяа тавилант эрин галавт мөнхрөх Патаяа
Дараа дараачийн цэнгүүнд үргэлжлүүлэн тодлогдож
Ая эгшгээр хөглөгдөн дуулагдаж, бүжиг болон дэглэгдэх Патаяа
Энэрэл элбэрэл хайраар ээнэгшүүлж эзэмдсэн Патаяа
236 гэгээнтнийг минь тухлуулж бясалгуулсан Патаяа
Үлгэрийн цэнхэр Патаяа
Үүлэн дундаас сүмбэрлэнэ
Үнэний номтой Багш минь
Зүрхэн дундаас зүмбэрлэнэ
Мөнхийн рашааны шимийг ухааралд уусгасан Патаяа
Мөхөлгүй амьдралын үнэнийг илтэд нотолсон Патаяа
Патаяа Патаяа Патаяа, аяа ариухан Патаяа

Д.Загар 2007.05.16

0 comments: